بسألك كم سؤال.. بس لازم جوااااااااب

جاني واحد قال : بأسأل كم سؤال

وقبل يسأل قلت: أنا ماني خبير

قال : جاوب بس ياولد الحلال

وكل كلمه حطها بشطر صغير

قال: نبدي , شنهو تعريف المحال ؟

قلت: خلـ هالكلمه في البيت الأخير

القهر: إن شفت دمعات الرجـال

والوطن : إنسـان متغيـر كثيـر

والطفل: لعبـه على شاطيء الرمال

والأمل: إحساس في عيـن الضرير

الوفـا: قلبيــن يجمعهم حــلال

والرجل: اللي على أهلـه يغيـر

والرجـا: لا قلت للواطـي تعـال

والفشل: .. مدري .. ولكنه مرييير !

والشعر: في وقـتـنـا بـدر و طـلال

زين وأول: حيل يعجبني .. جرير

والغلا: إحسـاس إلـى حـد الخيـال

والعشق: لا شفت معشوقـك تطيـر

والجفا: إعكس مفاهيم الوصـال

والوصل : يعني تأكد فيك خير

والعقل: تسفه أقاويـل الجهـال

والجهل: إن قلت عن نفسك كبير

والخطر: لاصار ماعندك مجـال

والبلا: إن صرت معدوم الضميـر

والعجب: لاصرت تسأل منهو قال

والتعب: إن كنت تبحث عن مصير

الغنا: بالنفس ماهو راس مال

والفقر: من كان بأعماله فقير

يكفي يكفي أسئله إنهي الجدال

ويالله علمني عن السر الخطير

مابي تضرب لي في غيرك مثال

قول عنك وأعتبر سرك في بير

جات طعنه من جنوبك والشمال

يعني وضعك بين من حولك خطير

صاحبي وان ضاقت بعينك ليال

لك فرشت القلب مفروش الحرير

في بلاد الحلم ممنوع العقال

والمصيبه الشعب ما أختار الأمير

وماألومك كان شديت الرحال

دام بيتك جرح وفراشك حصير

هذا تعريفي إلى كلمة محال :

شي ودك فيه .. ولايمكن يصير

..ممآ رآق لي..

شكرااااااااااااااااااااااااا

546456

» # اسئله اسلاميه رااائعه # لكل سؤال جوواب